zerif: trampning tashlighan qedemliri téhrangha tesir körsetmeydu

türkiye awazi radiyosi xewiri: muhemmed jewad zerif iran parlaménti dölet bixeterlik we tashqi siyaset komitéti yighinigha qatniship chiqqandin kéyin küntertiptiki özgirishler heqqide bayanat berdi.

u, iran tashqi ishlar ministirliqining qasim suleymani we muhsin faxrizadening qestlep öltürülüshige munasiwetlik weqeler toghrisida xelqaraliq we ikki tereplik zörür qanuniy qedemlerni tashlighanliqini we bu heqte parlamént ezalirigha melumat bergenlikini bildürüp: «iran jiddiylik we urushning kuyida emes. trampning axirlishish aldidiki hökümitining tashlighan qedemliri irangha tesir körsetmeydu. irangha hujum qilish gherizi bolghan ilgiriki tajawuzchiliqlarni nezerde turushi kérek. bir yaki ikki künlük ömri qalghan tramp hökümitige qarshi turushimiz yaxshi kétiwatidu» dégenlerni qeyt qildi.

zerif taghliq qarabaghdiki urushta ezerbeyjan jumhuriyitining zémin pütünlükini qollaydighanliqini bildürüp: «biz ahaliler rayonlirigha, bolupmu tarixiy miras bolghan genje shehirige qilinghan hujumgha qarshi turduq» dédi.