b d t ezaliq bedel puli tapshurmighan 7 döletning bélet tashlash hoquqini tonglatti
birleshken döletler teshkilati ezaliq bedel puli tapshurmighan 7 döletning bélet tashlash hoquqini waqtinche tonglitip qoydi.
türkiye awazi radiyosi xewiri: bu döletler ichide ezaliq bedel puli qerzi eng köp dölet 16 milyon 200 ming dollar bilen iran boldi.
bélet tashlash hoquqi toxtitilghan bashqa döletlerning bolsa, nigér, liwiye, ottura afriqa jumhuriyiti, kongo jumhuriyiti, jenubiy sudan we zimbabwé ikenliki bildürüldi.
bu döletler bélet tashlash hoquqini eslige keltürüsh üchün qerzning az dégende bir qismini tapshurishi lazim.
b d t nizamnamisida 2 yilliq ezaliq bedel pulini tölimigen döletlerning bélet tashlash hoquqi tonglitip qoyulidu.
birleshken döletler teshkilatining yilliq xamchoti 3 milyard 200 milyon dollar bolup, buningdin bashqa yene, b d t tinchliq saqlash herikiti üchün yiligha 6 yérim milyard dollar xamchot ajritidu.
ötken yilimu wénézuéla, liwan, yemen, gambiye, tongga, ottura afriqa jumhuriyiti we lésoto qatarliq döletler ezaliq bedel puli tapshurmighanliqi sewebidin bélet tashlash hoquqi tonglitip qoyulghan idi.
مۇناسىۋەتلىك خەۋەرلەر
yawropa ittipaqi irangha émbargo yürgüzüshni qarar qildi
yawropa ittipaqi israiliyege qilghan hujumi sewebidin irangha émbargo yürgüzüshni qarar qildi.