awam palatasi trampni wezipisidin qaldurush layihesini qobul qildi

amérika awam palatasida ötküzülgen bélet tashlashta, pirézidént donald tramp «isyangha qutratquluq qilish» bilen eyiblengen wezipisidin qaldurush maddisi qobul qilindi.

1563404
awam palatasi trampni wezipisidin qaldurush layihesini qobul qildi

türkiye awazi radiyosi xewiri: amérika pirézidénti wezipisidin qaldurush telep qilinghan qanun layiheside, pirézidént tramp 2021-yili 6-yanwardiki kongrege bésip kirish weqesidin burun élan qilghan bayanatliri sewebidin shu küni yüz bergen zorawanliqqa mesul dep qaraldi.

awam palatasi omumiy kéngishide ötküzülgen bélet tashlashta, tramp «isyangha qutquratquluq qilish» bilen eyiblengen wezipisidin qaldurush maddisi 197 ge qarshi 232 awaz bilen qobul qilindi. shuning bilen, amérikaning 45-nöwetlik pirézidénti donald tramp, amérika tarixida «wezipisidin qaldurush telipi bilen ikki qétim eyiblengen tunji pirézidént» bolup qaldi.  wezipisidin qaldurush maddisini 10 jumhuriyetchi wekilningmu qollap awaz bérishi diqqet qozghidi.

wezipisidin qaldurush musapisining sotlash basquchi we trampning jinayetchi yaki emeslikige qarar qilidighan kéngesh palatasining qachan bélet tashlaydighanliqi hazirche éniq emes. kéngesh palatasida köp sanliqni igileydighan jumhuriyetchilerning rehbiri mitch mikkonnél (Mitch McConnell) bayanatida, tramp sotlinidighan yighinning 20-yanwar (2021) din burun ötküzülmeydighanliqini bildürdi. shuning bilen, trampning kéngesh palatasida sotlinishining jo baydin dewrige qalghanliqi jezmleshken boldi.

kéngesh palatasining trampni jinayetchi dep békitishi üchün 100 jumhuriyetchining eng az dégende üchtin ikkisi, yeni eng az dégende 67 eza qollap bélet tashlishi kérek.

amérika pirézidénti tramp ukraina pirézidénti wladimir zélénskiy (Vladimir Zelenskiy) bilen téléfonda körüshkende qilghan sözliri sewebidin 2019-yili dékabir éyida awam palatasida eyiblengen bolup, 2020-yili féwral éyida kéngesh palatasida aqlanghan idi.

awam palatasidiki démokratlar muawin pirézidént mayk pénsqa asasiy qanunning 25-maddisini heriketke keltürüp trampni wezipisidin qaldurushni chaqiriq qilghan layihemu tünügün (2021-yili 13-yanwar) kéche qobul qilinghan idi.

muawin pirézidént mayk péns bolsa, mezkur maddini heriketke keltürüsh niyitining yoqluqini éniq éytqan idi.



مۇناسىۋەتلىك خەۋەرلەر