italiye: türkiye - girétsiye izdinish söhbetlirining eslige keltürülidighanliqidin söyünduq

italiye tashqi ishlar ministiri luigi di maio, türkiye bilen girétsiye otturisidiki izdinish söhbetlirining eslige kélidighan bolushidin xushalliq hés qilghanliqini bildürdi.

1563363
italiye: türkiye - girétsiye izdinish söhbetlirining eslige keltürülidighanliqidin söyünduq

türkiye awazi radiyosi xewiri: italiye tashqi ishlar ministirliqi yazma bayanat élan qilip, luigi dti maioning rimda girétsiye tashqi ishlar ministiri nikos déndiyas bilen körüshkenlikini uqturdi.

bayanatta, uchrishishta di maioning ikki terep munasiwetliri, yawropa küntertipidiki gewdilik mesililer we aqdéngizning muqimliqi üchün birlikte tirishishchanliq körsitishning ortaq menpeet ikenlikini qayta tekitlep ötkenlikige isharet qilindi.

bayanatta: «ministir di maio, türkiye bilen girétsiyening izdinish söhbetlirining eslige keltürülidighanliqining élan qilinishidin nahayiti xushal bolghanliqini eskertti» dégen ibarilerge orun bérildi.

yene bir tereptin di maioning, birleshken döletler teshkilatining liwiyege alahide wekil teyinlishining texirsizliki, shundaqla liwiye siyasiy diyalog munbiride ilgirilesh hasil qilish we urush toxtitish kélishimining toluq yolgha qoyulushining zörürlükini tekitlep ötkenliki qeyt qilindi.

bayanatta yene, dti maioning yawropa komitéti otturigha qoyghan yéngi köchmenler we panahlinish pirogrammisigha bolghan naraziliqini otturigha qoyup ötkenlikige isharet qilindi.



مۇناسىۋەتلىك خەۋەرلەر