dölet mejlisi weqesi jeryanida tutqun qilinip qoyup bérilgen bir kishi özini öltürüwaldi

türkiye awazi radiyosi xewiri: amérika qoshma shtatlirining paytexti washingtonda 6 – yanwar yüz bergen dölet mejlisi binasigha basturup kirish weqeside nazaret astigha élinip qoyup bérilgen bir kishi öyide özini öltürüwaldi.

mehelliy taratqular, jorjiya istatining alfarétta shehiride olturushluq 53 yashliq kristofir stanton jorjiya öyining yer asti qewitide özini étip ölüwalghanliqini xewer qildi.

dairiler, bankichilik saheside ishleydighan, ikki balining atisi bolghan jorjiyaning özini öltürüwalghanliqini qanun doxturxanisi doklati arqiliq delillidi.

ölümining tepsilati toghrisida ne tughqanliri, ne munasiwetlik emeldarlar teripidin bayanat élan qilmighan jorjiya, dölet mejlisige basturup kirish weqesi jeryanida washington nazaret astigha élinghanidi.

dölet mejlisige «qanunsiz kirish» we «kochigha chiqish cheklimisige xilapliq qilish» bilen eyiblengen jorjiya, kéyin qoyup bérilgenidi.

jorjiyaning bu eyibleshni qobul qilmighanliqi, eger sotta jinayiti békitilse, uninggha eng köp bolghanda 180 künlük qamaq jazasi bérilishi yaki 1000 dollar jerimane qoyulushining mumkinliki qeyt qilindi.