amérika armiyesi baydinning 46-nöwetlik bash qomandan bolidighanliqini jakarlidi

amérika armiye bash ishtabining bashliqi général mark milléy (Mark Milley) we alte armiyening qomandani imza qoyup uqturush tarqitip, armiyening asasiy qanungha sadiq bolidighanliqini we baydinning 46-nöwetlik bash qomandan bolidighanliqini jakarlidi.

1562555
amérika armiyesi baydinning 46-nöwetlik bash qomandan bolidighanliqini jakarlidi

türkiye awazi radiyosi xewiri: amérikada jo baydinning qesem bérip pirézidéntliq hoquqini tapshuruwélish murasimi jeryanida zorawanliq xaraktéridiki namayishlarning yüz béridighanliqi toghrisida agahlandurushlar qiliniwatqan bir waqitta, amérika armiyesi bash ishtabi uqturush tarqitip, baydinning 20-yanwar (2021) qesem bérip, amérika armiyesining 46-nöwetlik bash qomandani bolidighanliqini élan qildi.

amérika armiye bash ishtabining bashliqi général mark milléy we alte armiyening imzasi qoyulghan uqturushta, mundaq déyildi:

«2021-yili 6-yanwar washingtonda yüz bergen isyan, biwaste amérika kongresige, kongre binasigha we bizning asasiy qanunimizgha qilinghan hujumdur.»

amérika armiyesining 250 yildin buyan asasiy qanunni qoghdash mesilside xelqning ishenchisige érishken organ bolup kelgenliki tekitlengen uqturushta yene: «tarix boyiche qilip kelginimizge oxshash, amérika armiyesi qanun ramkisida     hökümetning buyruqigha boysunidu, kishilerning jéni we mélini qoghdash, qanun ramkisida jemiyet bixeterlikini qoghdash üchün xelq sot mehkimilirini qollaydu. ichki we tashqi barliq düshmenlerdin amérika asasiy qanunini qoghdashtin ibaret pirinsipqa sadiq bolidu» déyildi.

uqturushta, 6-yanwar kongrede yüz bergen weqelerning asasiy qanungha we pikir erkinlikige uyghun emesliki eskertilip: «2021-yili 20-yanwar asasiy qanun boyicheishtat we sot mehkimiliri, shundaqla kongre testiqlighan, saylanghan pirézidént baydin wezipisini tapshuruwalidu we bizning 46-nöwetlik bash qomandanimiz bolidu» dégen bayanatqa orun bérildi.

amérika armiye bash ishtabining mezkur uqturushining, hakimiyet almishish jeryanida yüz bérish éhtimali bolghan zorawanliq weqelirige qarshi, amérika armiyesining meydanini namayan qilish meqsitige ige ikenliki qeyt qilinmaqta.  



مۇناسىۋەتلىك خەۋەرلەر