wéngiriye yuqiri soti p k k / y p g ezasi ikki térrorchining qamaq jazasini testiqlidi

türkiye awazi radiyosi xewiri: wéngiriye xewer agéntliqi, ségéd shehiridiki bir sot mehkimisi teripidin 2019 – yili térrorchilarni meblegh bilen teminlesh jinayiti bilen eyiblinip ikki yilliq qamaq jazasigha höküm qilinghan we sekkiz yil boyiche wéngiriyege kirishi cheklengen térrorluq teshkilati p k k / y p g ezasi er – xotunning jazasi yuqiri sotning testiqidin ötkenlikini xewer qildi.

xewerde körsitilishiche, birinchi sot mehkimisining hökümining muwapiq ikenlikini bildürgen sodiye attila jo, jawabkarlarning besh yil boyiche türkiyege qarshi qoralliq heriketler bilen shughullanghan teshkilatning paaliyetliri toghrisida roshen uchurgha ige ikenlikini, ularning üstidin chiqirilghan hökümning toghra ikenlikini otturigha qoyghan.

xewerde, birinchi qétimliq ispat anglash sotida qamaq jazasigha höküm qilinghandin kéyin, jawabkarlarning ötken yili wéngiriyedin gérmaniyege bérip, u yerdin panahliq tiligenlikige isharet qilindi.

dölet teweliki heqqide uchur bérilmigen er gumandarning 2009- yili yawropa ittipaqi teripidinmu térrorluq teshkilati dep qobul qilinghan p k k gha öz ixtiyarliqi bilen qatnashqanliqi we 2014 – yilidin bashlap teshkilatning süriyediki paaliyetlirige qatnashqanliqi eskertildi.

iranliq ikenliki bildürülgen ayal gumandarning 2010- yili 15 yéshida p k k qatnashqanliqi, 2014- yildin bashlap érige oxshashla teshkilatning süriyediki paaliyetlirige ishtirak qilghanliqi qeyt qilindi.

xewerde yene, gumandarlarning 2015- yili teshkilattin ayrilip toy qilghanliqi we adem etkeschilirining yardimide 2017 – yili 6 – dékabirda wéngiriye chégrasigha bérip panahliq tiligenlikige dair uchurlargha orun bérildi.