donald tramp dölet mejlisige hujum qilish weqesi heqqide bayanat élan qildi

türkiye awazi radiyosi xewiri: amérika pirézidénti donald tramp aldinqi hepte yüz bergen dölet mejlisi binasigha bésip kérish weqesi üstide toxtilip, «men zorawanliqni xalimaymen, ezeldin xalimayttim» dédi hemde wezipisidin élip tashlash tekshürüishige qarita «séhirgerlerni owlashning dawami» dep baha berdi.

donald tramp téksas ishtatigha ziyaretke bérish üchün aqsaraydin ayrilish aldida muxbirlarning soallirigha jawab berdi.

6 - yanwardiki dölet mejlisige bésip kirish weqesidin kéyin tunji qétim axbaratchilarni kütüwalghan tramp, mezkur weqe heqqide «men zorawanliqni xalimaymen, ezeldin xalimayttim» dédi.

tramp özige qaritilghan wezipisidin élip tashlash tekshürüshi üstidimu toxtilip, «wezipisidin élip tashlash tekshürüshi jeryani siyasiy tariximizdiki eng chong séhirgerlerni owlashning dawami. pütünley exmiqane bir ish. bu jeryan qattiq ghezepke yol achidu» dédi.

pirézidént tramp dölet mejlisi bashliqi nensi pélosi bilen kéngesh palatasi az sanliqlar rehbiri chak schumérning özini pirézidéntliq wezipisidin élip tashlash üchün körsetken tirishchanliqlirigha qarita «tolimu qorqunchluq» dep baha berdi.

tramp kéyin yene washingtongha yéqin andréws hawa armiye bazisidimu muxbirlarning soallirigha jawab berdi.

tramp 6 - yanwardiki mejliske hujum qilish weqeside özining hessisdarliqi barliqigha dair qarashlarni ret qilip,  «mutexessisler méning charshenbe künidiki nutuqumni analiz qilishti. méning shu küni etigende qollighuchilirimgha sözligen nutuqum tolimu muwapiq bolghan» dédi.

tramp xususy hésabini muddetsiz tonglitip qoyghan tiwittér we bashqa bezi cheklimilerni qoyghan ijtimaiy taratqu shirketlirige naraziliq bildürdi.

tramp ijtimaiy taratqu shirketlirining bu pozitsiyelirini «dölitimiz üchün qorqunchluq» dep tenqid qildi we: «ijtimaiy taratqu shirketliri apet xaraktérlik bir xataliq ötküzdi dep qaraymen» dédi.