йавропа иттипақи форентексниң инсаний җинайәтлирини тәкшүриду
йавропа иттипақи чегра вә саһил бихәтәрлик оргини (форентекс) ниң әгә деңизида көчмәнләргә қарши садир қилған инсаний җинайәтлирини тәкшүриду.
түркийә авази радийоси хәвири: гиретсийә билән форентекс, қанчилиған қетим видеолири оттуриға чиққан болушиға қаримай, көчмәнләргә қарита инсаний җинайәт садир қилишни давамлаштурди.
йавропа иттипақи чирикликкә қарши күрәш ишханиси, форенткес үстидин тәкшүрүш башланғанлиқини уқтурди.
уқтурушта әскәртилишичә, әгә деңизида көчмәнләрни қайтуруветиш, таҗавузчилиқ вә һоқуқидин қалаймиқан пайдилип, көчмәнләргә начар муамилә қилиш қатарлиқ қилмишлар садир қилиниватқан болуп, тәкшүрүш даирисидә, әгә деңизидин қолвақлар билән гиретсийә араллириға өтүп кәтмәкчи болған көчмәнләрниң инсан қелипидин чиққан муамилиләргә дуч келип, қайтуруветилишиму тәкшүрүлидикән.
форентексниң гиретсийә билән бирликтә көп қетим көчмәнләргә қарши садир қилған инсаний җинайәтлири күнтәртипкә кәлди.
хәлқара таратқуларму бу һәқтә даим дегүдәк хәвәрләрни тарқатмақта. бирақ, форенткес билән гиретсийә, испатланған болушиға қаримай, һәр қетим җинайәтлирини инкар қилмақта.
