amérikaning ichki bixeterlik muweqqet ministiri wezipisidin istipa bergenlikini élan qildi

türkiye awazi radiyosi xewiri: amérikada 6 - yanwardiki dölet mejlisi binasigha bésip kirish weqesidin kéyin aqsaray we tramp kabinétidin istipa bérishler dawamlashmaqta.

amérika ichki bixeterlik ministirliqi wezipisini wakaliten ötep kéliwatqan chad wolf yazma bayanatida, yérim kéchidin bashlap küchke ige bolidighan shekilde wezipisidin istipa bergenlikini élan qildi.

normal sharaitta wezipisini jo baydén wezipige olturidighan 20 - yanwarghiche dawamlashturushni pilanlighanliqini bildürgen wolf, yéqinqi weqeler sewebidin xizmitidin ayrilishni qarar qilghanliqini bildürdi.

wolf özning ornigha fédératsiye jiddiy ishlarni bashqurush orginining bashliqi pété gaynorning muweqqet ministirliq wezipisini öteydighanliqini uqturdi.

amérikida aldinqi hepte yüz bergen dölet mejlisi binasigha bésip kirish weqesidin kéyin qatnash ministiri éliin chaw we maarip ministiri bétsiy déwosmu wezipisidin istipa bergen idi.

wolf 7 - yanwar etigende yazma bayanat élan qilip, dölet mejlisi binasigha bésip kirish weqesini eyibligen idi.

bu bayanattin bir nechche saet kéyin aqsaray teripidin élan qilinghan yazma bayanatta, trampning wolfni 3 - yanwarda ichki bixeterlik ministiri bolushqa namzat körsetkenliki, biraq bu namzatliq teklipining yene tramp teripidin qayturuwélinghanliqi bildürülgen idi.