rusiye, ezerbeyjan we erméniye ortaq kélishim imzalidi
ezerbeyjan, rusiye we erméniye taghliq qarabaghda iqtisadiy munasiwet ornitish we ul eslihege munasiwetlik türlerni tereqqiy qildurush toghrisida birleshme kélishim imzalidi.
1561755
türkiye awazi radiyosi xewiri: pirézidént wiladimir putin rusiye pirézidéntliq mehkimisi — kirémilda ezerbeyjan pirézidénti ilham eliyéw we erméniye bash ministiri nikol pashinyan bilen ötküzgen 4 saetlik taghliq qarabagh uchrishishidin kéyin bayanat élan qildi.
putin taghliq qarabaghda iqtisadiy munasiwet ornitish we ul eslihege munasiwetlik türlerni ishqa kirishtürüsh toghrisida birleshme kélishim imzalanghanliqini bildürüp: «bu nishanni ishqa ashurush üchün rusiye, erméniye we ezerbeyjan muawin bash ministirlirining riyasetchilikide xizmet guruppisi qurulidu» dédi.
ezerbeyjan pirézidénti eliyéwmu rusiye pirézidénti putin bilen ötküzgen ayrim uchrishishida imzalanghan birleshme kélishimning ehmiyitige isharet qilip: «ezerbeyjan aridin 30 yil ötkendin kéyin erméniye arqiliq nahchiwan aptonom jumhuriyiti bilen qatnash alaqisi ornitidu» dégenlerni qeyt qildi.
erméniyeningmu ezerbeyjan zéminliridin paydilinip rusiye we iran bilen tömür yoli alaqisi ornitalaydighanliqini tilgha alghan ilham eliyéw: «ezerbeyjan bolush süpitimiz bilen nahchiwan aptonom jumhuriyiti arqiliq türk bazirigha érishimiz. shuning bilen bir waqitta, türkiye bilen rusiye otturisidiki tömür yoli alaqisimu kapaletke ige qilinidu» dédi.
مۇناسىۋەتلىك خەۋەرلەر
israiliye liwangha hawa hujumi qozghidi
israiliye armiyesi liwanning jenubigha keng kölemlik hawa hujumi qozghidi.
