mayk pompéyo wezipisidin ayrilishqa bir hepte qalghanda bélgiyege sayahetke baridighan boldi
amérika tashqi ishlar ministiri mayk pompéyoning wezipisidin ayrilishqa bir hepte qalghanda bélgiyege sayahetke bérishi hemmining diqqitini tartti.
türkiye awazi radiyosi xewiri: amérika tashqi ishlar ministirliqining sayahetke munasiwetlik bayanatida, amérika bilen bélgiyening chongqur we menggülük shériklik munasiwitini qayta tekitlesh we amérikaning natogha bolghan shertsiz qollishini bildürüsh üchün mayk pompéyoning 13 – we 14 - yanwar künliri bélgiyening paytexti biryussélda ziyarette bolidighanliqi bildürdi.
pompéyoning biryussélda shimaliy atlantik ehdi teshkilati bash katipi jéns stolténbérg we bélgiyening muawin bash ministiri shundaqla tashqi ishlar ministiri wilmés bilen körüshidighanliqi eskertilgen bayanatta yene, «ministir pompéyo atlantik okyan halqighan ittipaqning muhimliqini tekitleydu. shimaliy atlantik ehdi teshkilatining atlantik okyandin halqighan xelqlerni qoghdashtiki muweppeqiyitini we yéngi bixeterlik xirisigha maslishishtiki muweppeqiyitini qollaydu hemde amérika bilen bélgiye otturisidiki ikki dölet munasiwitining saghlamliqini tekitleydu» déyildi.
amérikining yéngi saylanghan pirézidénti jo baydén 20 - yanwarda wezipige olturghandin kéyin, pompéyoning tashqi ishlar ministirliqi wezipisi axirlishidu.
