hindonéziyede chüshüp ketken yoluchilar ayropilanining qara qutisi tépildi

hindonéziyede 9 - yanwar chüshüp ketken yoluchilar ayropilanining qara qutisi déngizdin chiqirildi.

1562081
hindonéziyede chüshüp ketken yoluchilar ayropilanining qara qutisi tépildi

türkiye awazi radiyosi xewiri: hindonéziye izdesh-qutquzush agéntliqi mesulliri hawagha kötürülüp  uzun ötmey chüshüp ketken yoluchilar ayropilanining qara qutisining déngizdiki qalduqlar arisidin chiqiriwélinghanliqini we krizis merkizige yetküzülgenlikini élan qildi.

mesullar hadisining sewebi heqqide hazirghiche héchqandaq resmiy éniqlima bermidi qara quta tekshürülgendin kéyin sewebining éniqlinidighanliqini bildürdi.  

qatnash ministiri budi karya sumadi 9 - yanwarda ötküzgen muxbirlarni kütüwélish yighinida, ayropilan hawagha kötürülüp texminen 5 minut kéyin alaqe uzulup qalghanliqini we ichide 12 xadim bilen 50 yoluchi bolghan «SJ182» tipliq yoluchilar ayropilanining paytext jakartaning shimaliy déngiz qirghiqigha jaylashqan laki bilen lenkang arili otturisigha chüshüp ketkenlikini bildürgen idi.

hindonéziye déngiz armiyesi yoluchilar ayropilani qalduqlirining paytext jakarta déngiz qirghiqining shimalidiki ming aralning töt yérige tarqalghanliqini doklat qilghan idi.

neq meydandiki tekshürüsh xizmetliri dawamlashmaqta.



مۇناسىۋەتلىك خەۋەرلەر