afghanistanda besh yilda 40 mingdin artuq adem ölgen

türkiye awazi radiyosi xewiri: afghanistan pirézidénti eshref ghéni amérika s n n (CNN) téléwiziyesining ziyaritini qobul qilip, özining pirézidént bolghandin kéyin, dölet miqyasida yüz bergen zorawanliq weqeliride 40 mingdin artuq kishining jénidin ayrilghanliqini éytti.

u, bu mezgilde nato terkibide wezipe ötige amérika herbiy qisimliridin 98 eskerning jénidin ayrilghanliqini eskertti.

u taliban bilen afghanistan heyetliri otturisida qatar paytexti dohada dawamlishiwatqan tinchliq söhbetliri üstide toxtalghanda, afghanistan xelqining hergizmu qarangghuluqqa tolghan ötmüshke qaytishni xalimaydighanliqini eskertti.

u afghanistanda dawamlishiwatqan 40 yilliq urushning axirlishishi üchün taliban bilen imzalash éhtimali bolghan tinchliq kélishimining hem rayon döletliri hemde xelqaraliq jemiyet teripidin kapaletke ige qilinishi kéreklikini tekitlidi.

u hakimiyetni qanuni yollar bilen saylanghan kéyinki hökümetke ötküzüp bérishni xalaydighanliqini bildürüp, talibanning idiyewi qarashlirini qobul qilishqa mejburlashni qobul qilidighan xelq emesliklirini qeyt qildi. u mundaq dédi:

«biz ijabiy we hemme adem barawer bolghan tinchliq telep qilimiz.»