qarabaghqa munasiwetlik üch terep söhbiti bashlandi
rusiye pirézidénti wladimir putin, ezerbeyjan pirézidénti ilham eliyéw we erméniye bash ministiri nikol pashinyanning taghliq qarabagh söhbiti moskwada bashlandi.
türkiye awazi radiyosi xewiri: rusiyening teshebbusi bilen ötküzülgen, putin, eliyéw we pashinyan otturisida taghliq qarabaghqa munasiwetlik kélishimler we rayonning nöwettiki weziyiti muhakime qilinidighan uchrishish, eliyéw bilen pashinyanning qarabaghda urush toxtitilghandin kéyinki birinchi qétimliq yüz turane körüshüshi bolup hésablinidu.
körüshüshte, taghliq qarabaghqa munasiwetlik üch kélishimni ijra qilish basquchliri bilen mewjut mesililerni hem qilish üchün tashlinidighan qedemler muzakire qilinidu.
krémil sariyining bu heqtiki bayanatigha asaslanghanda, körüshüshte yene, rayonda urushta ziyangha uchrighan xelqqe yardem qilish, soda-iqtisad we qatnash bashlinishi, tereqqiy qildurulushi mesililirimu muzakire qilinidu.
putinning üch terep uchrishishidin kéyin, eliyéw we pashinyan bilen ayrim-ayrim körüshidighanliqi bildürüldi. u uchrishish bashlinishtin burun söz qilghanda, eliyéw bilen pashinyangha teshekkür éytip, rusiyening wastichiliq qilish tirishchanliqlirining rayonda uzun muddetlik urush toxtitishning emelge éshishigha qaritilghanliqini bildürdi.