kim jongunning unwanlirigha yene bir yéngi unwan qoshuldi
koréye ishchilar partiyesining yuqiri derijilik bashqurghuchisi kim jongungha hoquq dairisini téximu kücheytish üchün bu unwanning bérilgenliki bildürülmekte.
türkiye awazi radiyosi xewiri: shimaliy koréye rehbiri kim jongungha hakimiyet béshidiki koréye ishchilar partiyesining bash katipi unwani bérildi.
koréye merkizi xewer agéntliqi (KCNA) ning xewirige asaslanghanda, tünügün paytext pyongyangda aridin 5 yil ötkendin kéyin ötküzülgen koréye ishchilar partiyesining 8 – nöwetlik qurultiyining 6 - yighinida, ilgiri dadisi kim jongil we bowisi kim il sung teripidin <partiye reisi> dep belgilengen unwan <hakimiyet béshidiki ishchilar partiyesining yéngi bash katipi> dep özgertilip, kim jongungha bérilgen.
koréye ishchilar partiyesining yuqiri derijilik bashqurghuchisi kimge hoquq dairisini téximu kücheytish üchün bu unwanning bérilgenliki bildürülmekte.
bu ariliqta jenubiy koréye armiyesi shimaliy koréyening yekshenbe küni kechte pyongyang meydanida herbiy parat ötküzgenlikini heqqide istixbarat tapshuriwalghanliqini élan qildi.
jenubiy koréye amiye bash ishtabi buning heqiqiy bir parat yaki répétitsiye ikenliki toghrisidiki tekshürüshlerning dawamlishiwatqanliqini bildürdi.
küzetküchilerning éytishiche, paratta pat arida amérikada hakimiyetni ötküzüwilish aldida turghan jo baydén hökümitige qarshi küch körsitish süpitide yéngi qoral sistémiliri körgezme qilinghan.
shamaliy koréye rehbiri kim jongun aldinqi yighinlarda ishlepchiriqiriliwatqan yuqiri téxnikiliq qoral sistémilirining tizimlikini élan qilish arqiliq yadro qoral ambirini kücheytish tehditide bolghan idi.
kim jongun sözide amérikaning shimaliy koréyening «asasliq düshmini» ikenlikini tilgha élip, «amérikada meyli kim wezipige kélishidin qetiy nezer, döletning asasiy qurulmisi we düshmenlik siyasiti hergiz özgermeydu» dégen idi.
