ким җоңунниң унванлириға йәнә бир йеңи унван қошулди
корейә ишчилар партийәсиниң йуқири дәриҗилик башқурғучиси ким җоңунға һоқуқ даирисини техиму күчәйтиш үчүн бу унванниң берилгәнлики билдүрүлмәктә.
түркийә авази радийоси хәвири: шималий корейә рәһбири ким җоңунға һакимийәт бешидики корейә ишчилар партийәсиниң баш катипи унвани берилди.
корейә мәркизи хәвәр агентлиқи (KCNA) ниң хәвиригә асасланғанда, түнүгүн пайтәхт пйоңйаңда аридин 5 йил өткәндин кейин өткүзүлгән корейә ишчилар партийәсиниң 8 – нөвәтлик қурултийиниң 6 - йиғинида, илгири дадиси ким җоңил вә бовиси ким ил суң тәрипидин <партийә рәиси> дәп бәлгиләнгән унван <һакимийәт бешидики ишчилар партийәсиниң йеңи баш катипи> дәп өзгәртилип, ким җоңунға берилгән.
корейә ишчилар партийәсиниң йуқири дәриҗилик башқурғучиси кимгә һоқуқ даирисини техиму күчәйтиш үчүн бу унванниң берилгәнлики билдүрүлмәктә.
бу арилиқта җәнубий корейә армийәси шималий корейәниң йәкшәнбә күни кәчтә пйоңйаң мәйданида һәрбий парат өткүзгәнликини һәққидә истихбарат тапшуривалғанлиқини елан қилди.
җәнубий корейә амийә баш иштаби буниң һәқиқий бир парат йаки репетитсийә икәнлики тоғрисидики тәкшүрүшләрниң давамлишиватқанлиқини билдүрди.
күзәткүчиләрниң ейтишичә, паратта пат арида америкада һакимийәтни өткүзүвилиш алдида турған җо байден һөкүмитигә қарши күч көрситиш сүпитидә йеңи қорал системилири көргәзмә қилинған.
шамалий корейә рәһбири ким җоңун алдинқи йиғинларда ишләпчириқириливатқан йуқири техникилиқ қорал системилириниң тизимликини елан қилиш арқилиқ йадро қорал амбирини күчәйтиш тәһдитидә болған иди.
ким җоңун сөзидә американиң шималий корейәниң «асаслиқ дүшмини» икәнликини тилға елип, «америкада мәйли ким вәзипигә келишидин қәтий нәзәр, дөләтниң асасий қурулмиси вә дүшмәнлик сийасити һәргиз өзгәрмәйду» дегән иди.