dunyada waba sewebidin jénidin ayrilghanlar 2 milyongha yéqinlashti

türkiye awazi radiyosi xewiri: amérika wuxen wirusi sewebidin jénidin ayrilghanlar 383 ming 275 ke, yuqumlanghanlar sani 22 milyon 917 ming 334 ke yetti. wuxen wirusigha qarshi asasiy xizmetlerni qilidighan xadimlarni emlesh musapisini tézleshtürüsh üchün niyu yorkning ikki rayonida chong emlesh merkizi quruldi.

méksikada wuxen wirusi sewebidin yéqinqi 24 saette 502 kishi jénidin ayrildi. shuning bilen, jemiy jénidin ayrilghanlar sani 133 ming 706 ge, jemiy yuqumlanghanlar sani 534 ming 39 gha chiqti.

firansiyede yéqinqi 24 saette wuxen wirusi sewebidin 151 kishi jénidin ayrildi, 15 ming 944 kishi yuqumlandi. buning bilen, wuxen wirusi sewebidin jemiy 67 ming 750 kishi jénidin ayrildi, 2 milyon 783 ming 256 kishi yuqumlandi.

italiyede yéqinqi 24 saette wuxen wirusi sewebidin 361 kishi jénidin ayrildi we jemiy san 78 ming 755 ke yetti. oxshash waqitta, 18 ming 627 kishi yuqumlandi we jemiy san 2 milyon 276 ming 491 ge chiqti.

asiya qiteside wuxen wirusining eng éghir tesirige uchrighan hindistanda yéqinqi 24 saette 161 kishi jénidin ayrildi. buning bilen, wirus sewebidin jemiy jénidin ayrilghanlar sani 151 ming 198 ge chiqiti. oxshash waqitta 16 ming 311 kishi yuqumlandi we jemiy yuqumlanghanlar sani 10 milyon 466 ming 595 ke chiqti.

wuxen wirusi sewebidin 61 ming 837 kishi jénidin ayrilghan, 3 milyon 401 ming 954 kishi yuqumlanghan rusiyede, dékabir (2020) éyida engliyede otturigha chiqqan we téz tarqalghan yéngi wirus türining bayqalghanliqi bildürüldi.

malayshiyada wuxen wirusi sewebidin 551 kishi jénidin ayrildi, 135 ming 992 kishi yuqumlandi.ayallar, aile we ijtimaiy tereqqiyat ministiri rina mohd harun yuqumlandi. tünügün (2021-yili 11-yanwar) iqtisad ministiri mustafa muhemmedning yuqumlanghanliqi uqturulghan idi.

ötken hepte échilghan kabént yighinida, mustafa muhemmed bilen yéqin olturghan mexsus xizmetler ministiri mohd redzuan bilen uchur-alaqe we axbarat ministiri seyfeddin abdullah karantingha kirgen idi.

jenubiy afriqada yéqinqi 24 saette 339 kishi jénidin ayrildi. buning bilen, jemiy san 33 ming 163 ke chiqti. jemiy yuqumlanghanlar sani 1 milyon 231 ming 597 ge chiqti.

aljiriyede wuxen wirusi sewebidin 2 ming 807 kishi jénidin ayrildi, 102 ming 144 kishi yuqumlandi. wirus bilen yuqumlanghan pirézidént abdulmejid tebbun dawalinishini axirlashturush chüün gérmaniyege qarap yolgha chiqti.

jenubiy koréyede yéqinqi 24 saette 15 kishi jénidin ayrildi we jemiy san 1 ming 140 qa chiqti. oxshash waqitta, 451 kishi yuqumlandi we jemiy yuqumlanghanlar sani 69 ming 114 ke chiqti. jenubiy koréyede yéqinqi 41 künde  kündilik yuqumlinish sani eng töwen sewiyege chüshti.

xitay döletlik sehiye komitéti yéqinqi 24 saette 103 kishining yuqumlanghanliqini élan qildi. yéqiqi bir künde wuxen wirusigha munasiwetlik ölüm körülmidi, yuqum sani aridin besh ay ötkende tunji qétim 100 ning üstige chiqti.

bezi döletlerdiki wuxen wirusigha munasiwetlik ölüm sanliri töwendikiche:

biraziliyede yéqinqi 24 saette wuxen wirusi sewebidin 469, argéntinada 78, kolombiyede 330, péruda 67, chilida 59 we boliwiyede 25 kishi jénidin ayrildi. buning bilen, biraziliyede wuxen wirusi sewebidin jemiy jénidin ayrilghanlar 203 ming 140 qa, argéntinada 44 ming 495 ke, kolombiyede 46 ming 114 ke, péruda 38 ming 280 ge, chilida 17 ming 96 ge we boliwiyede 9 ming 376 ge yetti.