iraqtiki hökümetke qarshi namayishta ikki kishi suyiqestke uchridi

namayish jeryanida bixeterlik xadimlirini öz ichige alghan 43 kishining yarilanghanliqi, 30 namayishchining nazaretke élinghanliqi we 2 kishining qestlep öltürülgenliki bildürüldi.

1560603
iraqtiki hökümetke qarshi namayishta ikki kishi suyiqestke uchridi

türkiye awazi radiyosi xewiri: iraq musteqil kishilik hoquq komissarliqi élan qilghan bayanatta, zikar ölkiside ötküzülgen namayishta suyiqest qilish we görüge tutup kétish weqeleri yüz bergendin bashqa yene, bixeterlik qisimlirining yash aqquzush bombisi, heqiqiy we pilastik oq  ishlitishi hemde namayishchilarning bolsa tash ishletkenliki éniqlanghanliqi uqturuldi.

bayanatta, namayish jeryanida bixeterlik xadimlirini öz ichige alghan 43 kishining yarilanghanliqi, 30 namayishchining nazaretke élinghanliqi we 2 kishining qestlep öltürülgenliki bildürüldi hemde «tinchlinish arqiliq ghezeplerni kontrol qilish we dialog tili ishlitish» chaqiriqi élan qilindi.

2019 - yili öktebirde bashlanghan hökümetke qarshi keng kölemlik namayishlar shu yilning axirida adil abdulmehdi hökümitining aghdurulishini keltürüp chiqarghan idi.

qismen zichliqtiki namayishqa qatnashqan iraq xelqi bash ministir mustapa elkazimidin heqiqiy islahat élip bérilishi, namayishchilarning ölümide jawapkarliqi barlarning sotlinishi, chiriklikke qarshi küresh we pakiz saylam qatarliq teleplerning orundilishini telep qilmaqta.


خەتكۈچ: #namayish , #iraq

مۇناسىۋەتلىك خەۋەرلەر