rusiyediki bir yashanghanlar sanatoriyeside ot apiti yüz bérip, 7 kishi qaza qildi
rusiyening tumen rayonidiki bir yashanghanlar sanatoriyeside ot apiti yüz bérip, 7 kishi hayatidin ayrildi.
1560619
türkiye awazi radiyosi xewiri: rusiye jiddiy haletlerge taqabil turush ministirliqining bayanatigha asaslanghanda, tumen rayonigha qarashliq borowiskiy yézisidiki yashanghanlar sanatoriyeside ot apiti yüz bergen.
binaning birinchi qewitide bashlanghan ot apitide 7 kishi hayatidin ayrilip, 1 kishi yarilanghan.
ot apiti kontrolluq astigha élinip, weqege heqqide tekshürüsh bashlanghan.
bu ariliqta yashanghanlar sanatoriyesining ijazetnamisi yoqliqi we xususiy turalghu ornida ishlitilgenliki otturigha chiqti.
öy igisining nazaretke élinghanliqi bildürüldi.
rusiyege qarashliq bashqordistan jumhuriyitining ishbuldino yézisidiki yashanghanlar sanatoriyesidimu 15 - dikabir yüz bergen ot apitide, 11 kishi hayatidin ayrilghan idi.
