jo baydin kogrege bésip kirgenlerni «yerlik térroristlar» dep atidi

türkiye awazi radiyosi xewiri: amérikaning yéngi pirézidéntliqigha saylanghan jo baydin edliye ministiri mérik garlend (MerrickGarland) ni tonitish paaliyitide, pirézidént tramp terepdarlirining kongre binasigha bésip kirish weqesi üstide toxtaldi.

u kongrege bésip kirishning, amérika tarixidiki «eng qarangghuluq» künliridin biri bolghanliqini bildürüp: «ular namayishchi emes, ularni namayishchi démenglar, ular isyanchi malimanlar, ular yerlik térroristlar. tramp bashtin tartip démokratik idare-organlirimizgha omumiyüzlük hujum qilip keldi» dédi.

kongrege bésip kirish weqesi sewebidin hökümettin tunji istépa yétip keldi. qatnash ministiri élyin chaw (Elaine Chao) weqelerge pirézidént trampning mesul ikenlikini bildürüp, 11-yanwar küchke ige bolidighan shekilde xizmitidin istépa berdi.

kongrege bésip kirish weqesi sewebidin, aqsarayning muawin bayanatchisi sara matiyus (Sarah Matthews), aqsarayning ijtimaiy ishlar mudiri riki naysta (Rickie Niceta) we trampning repiqisi mélana trampning bash katipi grisham (Grisham) xizmitidin istépa bergen idi.

6-yanwar aqsarayning aldida ötküzülgen yighilishta trampning nutqini anglighandin kéyin, kongre binasigha qarap mangghan minglarche tramp qollighuchiliri bilen saqchilar arisida toqunush chiqip töt kishi jénidin ayrilghan we nurghun kishi yarilanghan idi.

kongrediki weqeler jeryanida saqchilarning chiqarghan oqida jénidin ayrilghan ayalning, amérika hawa armiyeside 12 yil wezipe ötigen sabiq esker ikenliki bildürüldi.