iraqtiki bir sot mehkimisi tramp üstidin tutush buyruqi chiqardi

türkiye awazi radiyosi xewiri: iraq soti iranliq qomandan qasim suleymani wwe heshdushshebi herikiti muawin bashliqi ebu mehdi muhendisining öltürülüshige munasiwetlik délo dairiside amérika pirézidénti donald tramp üstidin tutush buyruqi chiqardi.

iraqning paytexti baghdadtiki rusafa tekshürüsh soti bayanat élan qilip, «muhendis we uning dostliri uchrighan suyiqestni tekshürüwatqan mupettishning iraq jinayi ishlar qanunining 146 – maddisigha asasen, amérika pirézidénti donald tramp üstidin tutush buyruqi chiqarghan»liqini uqturdi.

amérikaning 2020 – yili 3 – yanwardiki bir qétimliq hawa hujumida iran inqilab muhapizetchiliri quddus qisimliri qomandani qasim suleymani we muhendis baghdad ayrodurumida öltürülgenidi.

mezkur suyiqesttin kéyin iraq hökümiti weqe üstide tekshürüsh élip bérishni bashlighanidi.