aqsarayda istépa dolquni qozghaldi
amérikada tramp terepdarlirining kongre binasigha bésip kirishi we zorawanliq weqeliridin kéyin, aqsarayda istépa dolquni bashlandi.
türkiye awazi radiyosi xewiri: pirézidént tramp we mélina trampning bash katipi grisham (Grisham) aqsarayda yüz bergen weqeler sewebidin istépa bergenlikini jakarlidi. u birinchi bolup istépa bergen kishi bolup qaldi.
bir mezgil aqsarayning bayanatchisi bolup xizmet qilghan grisham bayanatida, xizmitini xushalliq yaxshi köridighanliqini, emma bügünki weqeler sewebidin istépa bérishni qarar qilghanliqini eskertti.
aqsarayning muawin bayanatchisi sara matiyus (Sarah Matthews) bilen aqsaray ijtimaiy ishlar mudiri riki naysta (Rickie Niceta) mu istépa bergenliklirini élan qildi.
amérika taratquliridiki xewerlerde ilgiri sürülüshiche, aqsaraydiki bashqa kishilermu istépa bérishni oylishiwatqan bolup, bular dölet xewpsizlik meslihetchisi robért obrayin (Robert O'Brien), dölet xewpsizlik muawin meslihetchisi mat pottingér (Matt Pottinger) we aqsaray muawin bash katipi kris lidél (Chris Liddell) qatarliqlar iken.
amérika pirézidénti donald trampni qollap namayish qilghanlar, 2020-yili 3-noyabir ötküzülgen saylam netijiliri resmiylishidighan kongrediki murasimgha naraziliq bildürüsh meqsitide, kongre binasigha bésip kirgen idi. bu sewebtin yüz bergen zorawanliqlar netijiside, sirtqa chiqishni cheklesh élan qilindi.
