трамп висконсинда аваз беләтлириниң қайта санилишини тәләп қилди

түркийә авази радийоси хәвири: гәрчә 3- нойабирда өткүзүлгән пирезидентлиқ сайлиминиң ғәйрий рәсмий нәтиҗисигә асасән демократчиларниң кандидати җо байдин ғәлбә қилған болсиму, трампниң, сайламға һийлә арилаштурулғанлиқи, һәқиқий ғәлибә қилған кишиниң өзи икәнликини илгири сүрүши давам қилмақта.

трамп, бу қетим висконсинниң милвоки вә дане районлирида сайламға еғир дәриҗидә һийлә арилаштурулғанлиқини илгири сүрүп, аваз беләтлириниң қайта санилишини тәләп қилип сотқа әрз сунди вә беләтләрниң қайтидин санилиши үчүн тәләп қилинған 3 милйон долларни төлиди.

ғәйрий рәсмий нәтиҗигә қариғанда, байдин висконсинда өткүзүлгән сайламда 10 вәкил билән ғәлибә қилип, трампқа қариғанда 20608 артуқ аваз белитигә еришкән.

йәнә бир тәрәптин, америкада өткүзүлгән бир рай синаш нәтиҗисидин айан болушичә, сайлиғучилар демократлар партийәсиниң кандидати җо байдинниң сайламда ғәлибә қилғанлиқи үчүн әмәс, бәлки һазирқи пирезидент доналд трампниң йеңилип қалғанлиқидин бәкрәк хушал болған.

әлрайини синашқа қатнашқанларниң % 34 и, сайламда трампниң йеңилип қалғанлиқидин хушал болғанлиқини билдүргән болса, пәқәт % 25 киши байденниң ғәлбисидин хушал икәнликини ейтқан. 41 % киши бу һәқтә һечқандақ пикир байан қилмиған.