меркел: ковид-19 ға қарши күрәштә иҗтимаий учришишни йәниму азайтиш керәк
германийә баш министири ангела меркел ковид-19 ға қарши күрәштә иҗтимаий учришишни йәниму азайтиш керәкликини тәләп қилди.
түркийә авази радийоси хәвири: меркел синалғу йиғини арқилиқ һәр қайси өлкә рәислири билән өткүзгән ковид -19 темилиқ мәслиһәт йиғинидин кейин байанат елан қилди.
меркел ковид -19 ға қарши һазирғичә йолға қойулған тәдбирләрниң йуқумниң һәссиләп ешишиниң алдини алғанлиқини тәкитләп: «бир қетим болсиму өзара учришиш болмиғини йахши. шуңа биз йәнә бир қетим шуни ениқ оттуриға қойимизки, хусусий йиғилиш вә тәбрикләш паалийәтлиридин қәтий сақлинишиңлар лазим» деди.
йуқумға қарши күрәш һәққидә 25 – нойабирда қайта йиғин өткүзүлидиғанлиқини елан қилған меркел, келәр һәптидики йиғинда муддити 30 – нойабирда тошиши пиланланған чәклимиләрниң техиму күчәйтилишиниң нуқтилиқ күн тәртиптә болидиғанлиқини ейтти.
меркел йәнә еһтийаҗлиқ кишиләргә 15 FFP2 типлиқ маскини азғинә һәқ елиш билән тарқитиш қарари алғанлиқини билдүрди.
