беларусийәдә һәр һәптә ахири намайиш өткүзүлмәктә

түркийә авази радийоси хәвири: беларусийә ички ишлар министирлиқиниң байанатчиси олга чемоданова твиттерда байанат елан қилип, дөләтниң охшимиған 35 җайида қанунға хилап намайиш өткүзүлгәнликини билдүрди.

у пайтәхт минскта өткүзүлгән намайишларда, намайишчиларниң «урушқақ» позитсийәдә болғанлиқини, бәзи йолларниң қатнишини тохтитип, пуқраларниң өтүшигә рухсәт қилмиғанлиқини алаһидә әскәртти.

у сақчилар агаһландурған болсиму, намайишлирини ахирлаштурмиғанларниң тутулғанлиқини қәйт қилди.

у брест вә гродно шәһәрлиридә, әң көп болғанда, 250 дин көп киши намайиш қилиш чәкләнгән намайишларниң өткүзүлгәнликини билдүрүп: «түнүгүн (2020-йили 15-нойабир) мәмликәт миқйасида өткүзүлгән намайишларда, қанунға хилаплиқ қилған 700 дин артуқ киши тутулди. улар сотланғичә тутулуп туриду» деди.

беларусийәдә 2020-йили 9-авғуст өткүзүлгән пирезидентлиқ сайлимида, пирезидент александир лукашенкониң ғәлибә қилғанлиқи җакарланғандин кейин, сайламда «сахтипәзлик қилинғанлиқи» илгири сүрүлүп, намайишлар партлиған иди.

беларусийәдә һәр һәптә ахири өткүзүлүватқан намайишларда, пирезидент лукашенкониң истепаси тәләп қилинмақта.