سەئۇدى ئەرەبىستاننىڭ گوللاندىيەدىكى ئەلچىخانىسى ھۇجۇمغا ئۇچرىدى

تۈركىيە ئاۋازى رادىيوسى خەۋىرى: گوللاندىيە مەھەللىي تاراتقۇلىرى، سەئۇدى ئەرەبىستاننىڭ لاھەيدىكى ئەلچىخانىسىغا شۇ جاي ۋاقتى سەھەر سائەت 5 تىن 30 مىنۇت ئۆتكەندە كەم دېگەندە 20 پاي ئوق ئېتىلغانلىقىنى خەۋەر قىلدى.

ئەلچىخانا بىناسىنىڭ ئالدى تەرىپى ۋە دېرىزىلىرىدە كەم دېگەندە 20 پاي ئوق ئىزى ۋە يەردە ئونلارچە مىشەك تېپىلغانلىقى بىلدۈرۈلگەن خەۋەرلەردە، ھۇجۇم قىلغۇچى ۋە سەۋەبىنىڭ ھازىرغىچە ئېنىقلىنالمىغانلىقى قەيت قىلىندى.

ساقچى ئىدارىسى تەرىپىدىن ئېلان قىلىنغان يازما باياناتتا بولسا، ھۇجۇمدا ھېچكىمنىڭ يارىلانمىغانلىقى ۋە ۋەقە توغرىسىدا كەڭ كۆلەملىك تەكشۈرۈش باشلانغانلىقى تەكىتلەندى.