вашингтон билән бейҗиң оттурисидики консулхана соғуқчилиқи давам қилмақта

түркийә авази радийоси хәвири: америка - ақсарай байанатчиси кайлеиг мәкенани, хитайниң хостондики консулханисиниң тақиветилиши мәсилиси үстидә тохтилип, «хитайни бизгә  охшаш усулда инкас қайтурушниң орниға өзиниң йаман нийәтлик қилмишлириға қарап чиқишқа чақиримиз» деди.

ақсарай байанатчиси кайлеиг мәкенани мухбирларни күтүвелиш йиғинида, америка қошма иштатлириниң хитайдин хостондики консулханисини тақиветишини тәләп қилишиға изаһат берип, «биз бу қәдәмни америка хәлқиниң пикрий мүлүки вә хусусий учурлирини қоғдаш үчүн ташлидуқ» деди.

хитай коммунистик партийәсиниң узун йиллардин буйан америка технологийәси вә пикрий мүлүкийитини сода саһәсидә пайда елиш үчүн ишләткәнликини илгири сүргән кайлеиг мәкенани, «хитайни бизгә  охшаш усулда инкас қайтурушниң орниға өзиниң йаман нийәтлик қилмишлириға қарап чиқишқа чақиримиз» дегәнләрни қәйт қилди.

америка қошма иштатлири 21 – ийулда консулхана бинасиниң сиртида материйалларниң йоқитип ташлиниватқанлиқи тоғрисида мәлум қилиш учури тапшуруп алғандин кейин тексас иштатиниң хостон шәһиридики хитай консулханисиниң тақиветилиши тоғрисида йолйоруқ чүшүргәниди.

америка ташқи ишлар министири майк помпейо, «хитайниң хостондики консулханисини тақивәттуқ, чүнки бу йәр җасуслуқ қилиш вә пкир мүлүки оғрилиқиниң мәркизи сүпитидә ишлитилмәктә иди» дегәниди.

хитай ташқи ишлар министирлиқиниң байанатида болса, чеңдудики америка консулханисиниң иҗазәтнамисиниң бикар қилинғанлиқи қәйт қилинғаниди.