гиретсийәдә җорҗ флойд вәқәсигә наразилиқ билдүрүш намайиши өткүзүлди

түркийә авази радийоси хәвири: гиретсийәниң пайтәхти атинада өткүзүлгән америка қошма иштатлириниң миннеаполис иштатида қара тәнлик америка пуқраси җорҗ флойдниң сақчиларниң зораванлиқи нәтиҗисидә җенидин айрилишиға наразилиқ билдүрүш намайишида сақчилар билән намайишчилар арисида сүркилиш йүз бәрди.

парламент бинасиниму өз ичигә алидиған синтагма мәйданида учрашқан 3 миң әтрапида намайишчи, сақчиларниң зораванлиқи вә америкаға қарши шоарларни товлап, американиң атинадики әлчиханиси тәрәпкә йүриди.

«йоқалсун америка», «америка, гиретсийәдә халанмайсән» дегәндәк хәтләр йезилған пилакатлар көтүрүп меңилған намайишниң ахирида маска тақивалған бәзи кишиләр, әлчихана алдида күчлүк бихәтәрлик тәдбирлирини йолға қойған сақчиларға таш вә атәш топларни атти.

сақчилар газ вә аваз бомбилирини ишлитип тарқақлаштурушқа урунғанлар намайишчилардин 7 кишини назарәт астиға алди.

американиң миннеаполис иштатида 25 майда йүз бәргән вәқәдә, әсли африқалиқ америка пуқраси җорҗ флойд назарәт астиға елиниш җәрйанидики «тиналмайватимән» дегән иңрашлириға қаримай, сақчиниң тизини бойниға қойуп бесишни давамлаштуруши нәтиҗисидә җенидин айрилғаниди.

вәқә, шу күндин буйан америка қошма иштатлириниң барлиқ шәһәрлиридә пат – пат зораванлиқ вәқәлиригә сәһнә болған намайишларниң йүз беришини кәлтүрүп чиқарди.