мексика чеграсиға селинидиған тамниң хираҗити һәл қилинди
америка пирезиденти доналд трампниң мексика чеграсиға селиши пиланланған там үчүн лазим болған хамчотниң көп қисмини дөләт мудапиә министирлиқи (пентагон, бәш бурҗәклик бина) дин һәл қилидиғанлиқи билдүрүлди.
түркийә авази радийоси хәвири: америка с н н (CNN) қанилида елан қилинған бир хәвәрдә, америка дөләт мудапиә министирлиқиниң мушу һәптә ичидә там үчүн қилидиған иқтисадий йардәмгә мунасивәтлик рәсмий байанат елан қилидиғанлиқи қәйт қилинди.
доналд трамп һөкүмитиниң 5.7 милйард долларға пүтүши тәхмин қилиниватқан тамға сәрп қилинидиған барлиқ хираҗәт мәсилисидә конгрә билән келишәлмигәнлики, шуңа конгрәдин 2 милйард доллар тәләп қилидиғанлиқи әскәртилди.
дөләт мудапиә министирлиқидин тәләп қилған йардәмни, конгрәниң тәстиқлишиға керәкниң йоқлуқи, бу сәвәбтин трампниң там үчүн лазим болған иқтисадий йардәмни қолға кәлтүрәләйдиғанлиқи қәйт қилинди.
америка дөләт мудапиә министири майк еспер (Mark Esper) өткән ай (2020-йили йанвар) там үчүн хираҗәт аҗритишқа тәййар икәнликлирини билдүрүп: «мудапиә министирлиқиниң биринчи муһим вәзиписи ана вәтәнни қоғдаш, шуңа шәрқий җәнубий чеграмиз хәвпсизлик мәсилиси һесаблиниду. ишларниң қандақ тәрәққий қилидиғанлиқиға қараймиз» дегән иди.
пирезидент трампниң америка-мексика чеграсиға 5.7 милйард доллар сәрп қилинидиған там селишни тәләп қилиши вә конгрәдики демократларниң буниңға рухсәт қилмаслиқи сәвәбидин, америка федератсийә һөкүмити 2018-йили 22-декабирдин 2019-йили 25-йанварғичә тақалған иди. трампниң арқидин авам палатаси вә кеңәш палатаси тәстиқлиған үч һәптилик хираҗәт қанунини имзалап иҗра қилиши билән, америка тарихидики әң узун федератсийә һөкүмити тақалған мәзгил ахирлашқан иди.
трампдемократлар тамға чиқирилидиған хирақәтни тәстиқлимайдиғанлиқлирини елан қилғандин кейин, «җиддий һаләт» елан қилип, пирезидентлиқ қарари билән тамни салдуридиғанлиқини уқтурған иди.
өткән йили (2019) оттура америкадин йолға чиққан 7 миңдин артуқ киши мексика земини арқилиқ америка чеграсиға йетип кәлгән, бирақ америка чегра қоғдаш қисимлири уларни тутуп қалған иди. тутулғанлар ичидә миңларчә кичик балиниң барлиқи, көпинчиси қайтурулуш үчүн начар шараитлар астида туруватқанлиқи билдүрүлгән иди.
трамп болса, тутуп турулуватқан көчмәнләрниң һечқайсисиниң сот қарари болмай туруп, чеградин киргүзүлмәйдиғанлиқини, бу җәрйанда оттуриға чиққан инсаний киризислар демократларниң наразилиқини қозғиған иди.
