سۈرىيە كاپالەتچىلەر يىغىنى 10-دېكابىر ئۆتكۈزۈلىدۇ

تۈركىيە ئاۋازى رادىيوسى خەۋىرى: قازاقىستان تاشقى ئىشلار مىنىستىرى مۇختار تىلەۋبەردى مۇخبىرلارنىڭ قازاقىستان پايتەختى نۇرسۇلتاندا ئۆتكۈزۈلىدىغان كاپالەتچىلەر يىغىنىنىڭ ۋاقتى توغرىسىدىكى سوئالىغا: «ئۇچرىشىشلار 10-11-دېكابىر قىلىپ بېكىتىلدى» دەپ جاۋاب بەردى.

كاپالەتچىلەر يىغىنىنىڭ 13-نۆۋەتلىكى 2019-يىلى 1-2-ئاۋغۇستتا ئۆتكۈزۈلگەن بولۇپ، تۈركىيە، رۇسىيە ۋە ئىران ئىدلىب جىددىيچىلىكنى پەسەيتىش رايونىدا پۇقرالار نىڭ ئۆلۈپ كېتىشىنىڭ ئالدىنى ئېلىش ۋە كاپالەتچى دۆلەتلەرنىڭ ھەربىي خادىملىرىنىڭ بىخەتەرلىكىنى قوغداش ئۈچۈن كونكرېت تەدبىرلەرنى ئېلىش مەسىلىسىدە پىكىر بىرلىكى ھاسىل قىلغان ئىدى.