путин мәһмут аббас билән пәләстин мәсилиси бойичә көрүшти

түркийә авази радийоси хәвири: русийә кремил сарийи путин билән пәләстин дөләт рәиси мәһмут аббасниң телефонда көрүшкәнлики тоғрисида йазма байанат елан қилди.

байанатта, телефон сөһбитидә, оттура шәрқ вәзийитиниң муһакимә қилинғанлиқи вә русийәниң пәләстин-исираилийә музакирәлириниң башлиниши өз ичигә алған һалда тинчлиқниң капаләткә игә қилиниши үчүн қәдәм ташлашқа тәййар икәнликиниң тәкитләнгәнлики қәйт қилинди.

байанатта, инсанпәрвәрлик йардәмләргә мунасивәтлик һәмкарлиқларниңму сөһбәт темиси болғанлиқи әскәртилди.