қуддуста америка-русийә-исираилийә хәвпсизлик йиғини чақирилди
америка дөләт хәвпсизлик мәслиһәтчиси җон болтон пирезидент доналд трампниң иран билән «һәқиқий музакирәләр» ни өткүзүшкә очуқ позитсийәдә икәнликини билдүрди.
түркийә авази радийоси хәвири: җон болтон ғәрбий қуддуста өткүзүлгән америка-русийә-исираилийә үч тәрәп хәвпсизлик йиғинида сөз қилди вә вашингтон билән теһран оттурисида йүз бәргән йирикчиликләр тоғрисида тохталди.
у америка дипломатлириниң районда вашингтон билән теһран оттурисида йүз бәргән йирикчиликләрәә чиқиш йоли тепиш үмиди билән һәр хил паалийәтләрни қиливатқанлиқлирини әскәртип, иранни бу паалийәтләргә җимҗит қарап туруш билән әйиблиди.
у: «иранниң истратегийәлик қарар арқилиқ йадро қораллардин ваз кәчкәнликини көрситип беридиған бирму дәлил-испат йоқ» деди.
у америка билән иран оттурисида музакирә өткүзүшниң башлиниши мәсилисидә гунаһни теһранға артип: «пирезидент трамп һәқиқий музакирәләргә ишикни очуқ тутуватиду. иранниң қилиши керәк болғини очуқ болған ишиктин меңиш» деди.
у йиғиндин кейин ахбарат елан қилди вә иранниң 300 килогирамдин артуқ уран қойулдурушиниң «чоң хаталиқ» болидиғанлиқини, униңдин ешип кәткән әһвалда барлиқ чариләрниң ойлишилидиғанлиқини әскәртти.
у америка йолға қойған ембарголар сайисида иранниң музакирә үстилигә қайтидиғанлиқиға ишинидиғанлиқини билдүрүп, теһран музакирә үстилигә қайтмиған әһвалда вашингтонниң йәнә иранға йеңи ембарголарни йүргүзүши мумкинликини тәкитлиди.