даеш кәркүктә 2 сақчини өлтүрди
ирақниң кәркүк шәһиридә федератсийә сақчи қисмиға тәвә бир тәкшүрүш понкитиға террорлуқ тәшкилати даеш тәрипидин қилинған қораллиқ һуҗумда 2 сақчи өлди.
түркийә авази радийоси хәвири: кәркүк һәрбий һәрикәтләр қоманданлиқ иштаби башлиқи генерал саад һәрбийә, «кәркүкниң ғәрбий шималидики федератсийә сақчи қисмиға тәвә бир тәкшүрүш понкитиға һуҗум қилинди. һуҗумда дәсләпки мәлуматларға асасланғанда 2 сақчи өлди» деди.
аптоматик вә йеник қораллар билән 5 тин 8 гичә даеш әзасидин тәшкилләнгән бир гуруппа тәрипидин елип берилған һуҗумдин кейин, районда һәрбий һәрикәт башланғанланғанлиқи вә 2 террорчиниң йаридар һаләттә қолға чүшүрүлгәнликини билдүрди.
террорлуқ тәшкилати даеш 2014 – йили ийун ейда мусул қатарлиқ ирақ земиниң өчтән бир қисмини ишғалийити астиға киргүзивалған болуп, ирақ қисимлири 2017 – йили декабирда барлиқ районларни даештин тартип алған иди.
даешниң шәһәр мәркәзлири вә башқа олтурақ районларға һуҗум қилиш тәһдити әң төвән сәвийәгә чүшүрүлгән болсиму, даеш йиза - қишлақларда пат - пат вәқә туғдурушни давамлаштурмақта.