трамп: сиси катта дөләт әрбаби
америка қошма иштатлири пирезиденти доналд трамп мисир пирезиденти абдулфәттаһ әссисиниң катта дөләт әрбаби икәнликини ейтти.
түркийә авази радийоси хәвири: америка қошма иштатлири пирезиденти доналд трамп ақсарайда мисир пирезиденти абдулфәттаһ әссиси билән көрүшти.
трамп айрим вә һәйәтләр ара учришишлар һарписида, мухбирларниң соаллириға җаваб бәргәндә, нөвәттә икки дөләт мунасивәтлириниң наһайити мустәһкәмликини, болупму һәрбий саһәдики һәмкарлиқ вә сода шерикликиниң күнсери тәрәққий қиливатқанлиқини әскәртиш билән бир вақитта, терроризмға қарши күрәштә икки дөләт оттурисидики һәмкарлиқниң барғансери йүксәк сәвийәгә йетиватқанлиқини, буни техиму мустәһкәмләйдиғанлиқлирини тәкитлиди, һәмдә сисиниң 2034 – йилғичә вәзипә өтүш тиришчанлиқлирини қоллап қоллимайдиғанлиқиға алақидар соалға җаваб берип мундақ деди: «пирезидент сисиниң бу һәқтики тиришчанлиқлиридин хәвирим йоқ, әмма мениңчә пирезидент сиси катта дөләт әрбабидур.»
игилинишичә, кейинчә америка қошма иштатлири пирезиденти доналд трамп билән мисир пирезиденти абдулфәттаһ әссиси оттурисида өткүзүлгән учришишта, болупму икки дөләт оттурисидики һәрбий мунасивәтләр һәққидә музакирә елип берилған.
