мозамбиктә йүз бәргән боран - чапқун вә су апәтлиридә нурғун киши өлди
җәнубий африқа дөләтлиридин мозамбиктә мәйданға кәлгән боран - чапқун вә су апәтлиридә 447 киши һайатидин айрилди, йардәмгә муһтаҗ кишиләрниң сани 2 милйонға йәтти.
түркийә авази радийоси хәвири: бирләшкән дөләтләр тәшкилати инсанпәрвәрлик йардәм ишханисиниң билдүрүшичә, мозамбиктә йүз бәргән боран - чапқун вә су апәтлири сәвәбидин 447 киши һайатидин айрилған, 15 миңдин артуқ киши йариланған болуп, кәм дегәндә 1 милйон 850 миң киши җиддий йардәмгә еһтийаҗлиқ икән.
апәтләр кәң көләмлик инсаний тирагедийәни кәлтүрүп чиқарған болуп, дөләтниң ул әслиһә қурулушлири еғир дәриҗидә зийанға учриған, көплигән өйләр өрүлүп чүшкән, деһқанчилиқ мәйданлири вәйран болған, апәтләрдин кейин йемәк - ичмәк вә инсанпәрвәрлик йардәмгә болған еһтийаҗ көпийип кәткән.
җәнубий африқа дөләтлиридин малави, мозамбик, зимбабвени еғир талапәткән учратқан боран - чапқун апити нәтиҗисидә райондики миңларчә өй вә йол вәйран болған, йуқумлар кесәлликләр тарқашқа башлиғаниди.
