зимбабведа дөләт идарә - органлирида ишләватқан 3 миң йаш хизмәттин бошитилди
зимбабве һөкүмити иқтисадий тәдбирләр даирисидә дөләт идарә – органлирида ишләватқан 3 миң йашни хизмәттин бошатти.
түркийә авази радийоси хәвири: мәһәллий таратқуларниң хәвәр қилишичә, амма хизмәтлири комитети секритари җонатан вутавунаше, дөләт идарә – органлирида маашниң дөләт хамчотиниң көп қисмини өз ичигә алғанлиқи үчүн, бәзи чарә – тәдбирләрниң йолға қойулғанлиқини билдүрүп, «дөләттики охшаш болмиған министирлиқлардин 3 миң йаш иштин бошитилди вә бу кишиләр дөләт хизмәтлирини қилишқа лайақәтлик кишиләр әмәс иди» дегән.
хизмәттин бошитиш қарариниң малийә вә иқтисадий тәрәққийат министирлиқиниң 2019 – йиллиқ пиланлириға асасән чиқирилғанлиқини билдүргән вутавунаше, иқтисадни әслигә кәлтүрүш тәдбирлириниң буниңдин кейинму давамлишидиғанлиқини сөзлиригә илавә қилди.
өткән йилқи сайламлардин кейин вәзипә өткүзүвалған зимбабве пирезиденти еммерсон мнангагва һөкүмити узундин бери иқтисадий киризисқа қарши күрәш қилмақта.
