трампниң сабиқ йардәмчиси трампни ирқчилиқ қилиш билән әйиблиди

түркийә авази радийоси хәвири: америка пирезиденти доналд трампниң бурун қол астида ишлигән кишиләрдин омароса невмән доналд трампни ирқчилиқ қилиш билән әйиблиди.

ақсарай күнлирини «тәңпуңсизлиқ»намлиқ китабта йезип чиққан омароса невмән, доналд трампни ирқчилиқ қилиш билән әйибләп, трампниң әқлий-һошини барғанчә йоқитип қойуватқанлиқини илгири сүрди.

китабида доналд трампни «ирқчи»дәп тәриплигән невмән, униң афро-америкилиқлар үчүн «зәңги»дегән ибарини нурғун қетим ишләткәнликигә шаһит болғанлиқини билдүрди.

невмән йәнә доналд трампниң мәслиһәтчилиридин келлиййане конвейниң филиппинлиқ йолдеши үчүнму нурғун қетим болмиғур ибариләрни ишләткәнликини йазди.

доналд трампниң «әқлий-һошиниң барғанчә начарлишиватқанлиқини»илгири сүргән невмән, бир йиғинда доналд трампниң аччиқидин қәғәз чайнаватқанлиқини көрүп қалғанлиқини билдүрди.

невмән китабида 2017-йили декабирда вәзиписидин елип ташланғандин кейин доналд трамп тоғрисида гәп қилмаслиқ үчүн өзигә айда 15миң доллар тәклип қилинғанлиқини, лекин өзиниң буни қәтий рәт қилғанлиқини илгири сүрди.

доналд трамп невмәнниң бу сөзлиригә дәрһал инкас қайтурди.

невмәнни йалған ейтиш билән әйиблигән доналд трамп, невмәнни« йалаңтөш» дәп һақарәтлиди.