ирақ даеш мәзгилидә мусулда вәзипә өтигән дөләт мәмурлирини вәзипидин елип ташлиди

түркийә авази радийоси хәвири: мусул вилайәт мәҗлиси, даеш мәзгилидә шәһәрдики дөләт идарә – органлирида шөбә мудири вә униңдин йуқири дәриҗилик вәзипиләрни өтәшни давамлаштурған кишиләрниң вәзиписидин елип ташлиниши тоғрисида қарар чиқарди.

мусул валийси нәвфәл һуммади әссултан йеңи қарарни мақуллиғанлиқини билдүрүп, «тәшкилат билән һәмкарлиқ орнитип, уларға йардәм қилғучиларға башқа пурсәт берилмәслики керәк» деди вә қарарниң тез сүрәттә иҗра қилинидиғанлиқини сөзлиригә илавә қилди.

мусулниң сабиқ валийси әсл әннуҗәйфи қарарға қаттиқ қарши турди.