ангола америка мурасимиға қатнашқан дипломатини вәзиписидин елип ташлиди
ангола һөкүмити америка қошма иштатлириниң қуддус баш әлчиханисиниң ечилиш мурасимиға қатнашқан дипломатини вә буни тәстиқлиған район директорини вәзиписидин елип ташлиди.
түркийә авази радийоси хәвири: ангола хәвәр агентлиқи (ANGOP) ниң хәвәр қилишичә, ташқи ишлар министири мануел аугусто анголаниң тел авив баш әлчиханиси мәслиһәтчиси җоав диого фортунато вә униңға америка қошма иштатлириниң қуддус баш әлчиханисиниң ечилиш мурасимиға қатнишиш һоқуқи бәргән африқа вә оттура шәрқ районлуқ директори җоачуим до еспирито сантони вәзиписидин елип ташлиди.
министирлиқ мәзкур икки шәхсниң вәзиписидин елип ташлиниш сәвәбиниң, икки дипломатниң дөләтниң ички қарарлириға риайә қилмаслиқи вә дөләтниң нопузиға зийан йәткүзүши икәнликини уқтурди.
дөләтниң рәсмий гезитиму, мәзкур дипломатларниң вәзиписидин елип ташлиниш сәвәбиниң, баш әлчиниң америка қошма иштатлириниң қуддус баш әлчиханисиниң ечилиш мурасимиға қатнишиши, директорниң буни тәстиқлиши икәнликини хәвәр қилди.
пәләситнликләр америка қошма иштатлириниң тел авивдики баш әлчиханисини қуддусқа йөткиши вә исраилийәниң қурулуш мәзгили болған нәқбә (бүйүк палакәт) ниң 70 – йиллиқини ләнәтләш үчүн 14 – май күни қамал астидики ғәззә чеграсида намайишларни өткүзгәниди.
тинч өткүзүлгән намайишларға мудахилә қилған исраилийә әскәрлириниң һуҗумлирида 65 пәләситнлик шеһит болған, 3 миңдин артуқ киши йариланғаниди.
