пәләситнликләр әрдоғанға рәһмәт ейтти
пәләстинниң коломбийәдики дипломатик вакаләтханисиниң сийасий ишлар мәслиһәтчиси карлос монтеро пәләситнликләрниң җәсур вә адил қарарлири түпәйли җумһур рәис рәҗәп таййип әрдоғандин интайин миннәтдар икәнликини ейтти.
түркийә авази радийоси хәвири: монтеро түркийә хәлқиниң пәләситнликләрниң қериндиши икәнликини, әнқәрәниң пәләситн хәлқини бағриға бесишиниң түркийәниң пәләстин билән болған дипломатик мунасивәтлириниң барғансери күчийишидә түрткилик рол ойнаватқанлиқини тәкитлиди.
түркийәниң хәлқара қанунға, болупму исраилийә билән америка қошма иштатлири тәрипидин дәпсәндә қилиниватқан бирләшкән дөләтләр тәшкилати қарарлириға мас һалда һәрикәт қиливатқанлиқини әскәрткән монтеро мундақ дәп көрсәтти: «пәләситнликләр җәсур вә адил қарарлири түпәйли җумһур рәис рәҗәп таййип әрдоғандин интайин миннәтдар һәм әрдоғанға көптин- көп рәһмәт ейтиду.»
түркийәниң дунйа бойичә пәләситнликләрниң һәқ – һоқуқлирини қоғдаватқан дөләтләрниң бешида келидиғанлиқини тәкитлигән монтеро, түркийәниң бу һәқтики тиришчанлиқлириниң әрәб әллиридин нәччә һәссә йуқири икәнликини қәйт қилди.
түркийә, җәнубий африқа вә иреландийәниң пәләстинни қизғин қоллиғанлиқини әскәрткән монтеро, русийә, хитай, йавропа әллири, биразилийә, чили, боливийә, уругвай вә мексика қатарлиқ дөләтләрниңму пәләстинни қоллап позитсийә тутуватқанлиқини билдүрди.
