майк пенс пәләстиндә қарши елинмайдиған киши дәп елан қилинди

түркийә авази радийоси хәвири: фәтиһ һәрикити мәркизий кеңишиниң әзаси җибрил әрруҗуб бир телевезийә пирограммисиға қатнишип, америка муавин пирезиденти пенсниң икки һәптидин кейин башлайдиған пәләстин зийаритидин бурун «қарши елинмайдиған киши» дәп елан қилинғанлиқини билдүрди.

җибрил әрруҗуб пенсниң пәләстин дөләт рәиси мәһмут аббас билән көрүшүш үчүн 19-декабир пәләстингә келидиғанлиқини әскәртип, әрәб дөләтлирини қуддусни исираилийә пайтәхти дәп елан қилған америкадин һечқандақ әмәлдарни қобул қилмаслиққа чақирди.

америка пирезиденти доналд трамп 5-декабирдики ахбарат елан қилиш йиғинида, б д т хәвпсизлик кеңишиниң 1980-йили чиқарған исираилийәниң шәрқий қуддусни өзигә қошувелип, пайтәхт елан қилишини күчкә игә әмәс дәп һесаблиған 478-номурлуқ қарари бар болсиму, «қуддусни рәсмий исираилийә пайтәхти дәп тонушниң вақти кәлди» дегән иди.

пирезидент трамп ахбарат елан қилиш йиғинида йәнә, ташқи ишлар министирлиқиға тел авивдики америка әлчиханисини қуддусқа йөткәш үчүн тәййарлиқларни башлаш тоғрисида йолйоруқ чүшүргәнликиниму ейтқан иди.