чоң дөләтләр украинада уруш тохтитиш мәсилиси үстидә кеңәшти

түркийә авази радийоси хәвири: русийә, германийә, фирансийә вә украина рәһбәрлири телефонда көрүшүп украинада уруш тохтитиш мәсилиси үстидә кеңәш өткүзди.

германийә һөкүмәт байанатчиси стефен сейберт русийә пирезиденти виладимир путин, германийә баш министири ангела меркел, фирансийә пирезиденти еммаул макрон вә украина пирезиденти петро порошен қатарлиқ рәһбәрләрниң  телефонда көрүшүп, донбас районида бүгүндин башлап оқу-оқуш мәвсуми ахирлашқучә давамлишидиған уруш тохтитиш келишимини қоллайдиғанлиқлирини билдүргәнликлирини ейтти.

байанатчи йәнә рәһбәрләрниң көрүшүштә уруш тохтитиш келишиминиң донбас районидики мәктәп балилири вә пуқраларниң бихәтәрликигә пайдилиқ болуштин сирт районниң аманлиқиғиму пайдилиқ икәнликини әскәртти.

путин, меркел, макрон вә порошенко украинаниң шәрқигә җайлашқан донбас районида узун муддәт уруш тохтитишни капаләткә игә қилиш вә минск әһинамисиниң маддилирини тәдбиқлаш қатарлиқ мәсилиләрдә һәмкарлиқ орнитиш үчүнму келишти.

украина билән русийә оттурисида донбас райони сәвәблик йүз бәргән сүркилишгә қарита русийә, германийә, фирансийә вә украинадин тәшкил тапқан нормандийә гуруһи тәрипидин 2015-йили февралда түзүлгән миниск әһдинамиси, украинаниң шәрқидә уруш тохтитишни ишқа ашуруш вә алдинқи сәптин еғир типлиқ қоралларни чекиндүрүшкә охшаш маддиларни өз ичигә алиду.