венгирийәдә маарипчиларһөкүмәткә қарши намайиш өткүзди
венгирийәниң пайтәхти будапештта һөкүмәтниң алий маарипқа мунасивәтлик қанун лайиһәсигә наразилиқ билдүрүлүп намайиш өткүзүлди.
түркийә авази радийоси хәвири: венгирийәниң пайтәхти будапештта маарип саһәсиниң аптономлуқ алаһидиликини қоғдашқа даир қанун вә иҗтимаий тәшкилатларға мунасивәтлик қанун лайиһәсигә наразилиқ билдүрүлүп намайиш өткүзүлди.
намайишчилар пайтәхт виктор орбандин мәзкур қанун вә қанун лайиһәсини инавәтсиз қиливетишни тәләп қилди.
оттура йавропа университети (CEU) вә камбириҗ университетиниң оқутқучиси мат левйел намайишта сөз қилип, 4-апрелда венгирийә дөләт парламентида алий маарип қанун лайиһәсиниң мақуллинишни тәнқид қилди.
мат левйел венгирийә алий мәктәплиридә хизмәт қиливатқан оқутқучиларниң мәзкур қанунға қарши икәнликлирини ейтти.
намайишчилар йавропа иттипақи билән венгирийә байрақлиридин башқа, «обанға тосалғу болайли» вә «маарипқа әркинлик»дегән хәтләр йезилған лозункиларни көтүрүп меңишти.
мәзкур қанун венгрийәдә чәт дөләт дипломи тарқитип беридиған алий мәктәпләрниң оқу-оқутуш вә тәтқиқат хизмәтлирини қийинлаштурушни мәзмун қилиду.
һөкүмәтниң теги венгирийәлик болған америкилиқ карханчи җорҗ сорос иқтисадий җәһәттин қоллап келиватқан венгирийә бойичә әң нопузлуқ алий мәктәпләрдин болған оттура йавропа университетиниң оқу-оқутуш вә тәтқиқат хизмәтлирини қийин әһвалға чүшүрүп қойуш үчүн мәзкур қанун лайиһәсини чиқарғанлиқи илгири сүрүлмәктә.
