трамп: ши җинпиңға чоңқур һөрмитим бар
америка пирезиденти доналд трамп хитай дөләт рәиси ши җинпиңға чоңқур һөрмити барлиқини ейтти.
түркийә авази радийоси хәвири: трамп ақсарайда өткүзүлгән мухбирларни күтүвелиш йиғинида қилған сөзидә, алдинқи һәптиләрдә хитай дөләт рәиси ши җинпиң билән көрүшкәнликини һәмдә хитай рәһбиригә чоңқур һөрмәт қилидиғанлиқини әскәртти.
ши җинпиңниң шималий корейә мәсилисидә қолидин келишичә тиришчанлиқ көрситидиғанлиқиға ишинидиғанлиқини тәкитлигән трамп мундақ деди: «ши җинпиң наһайти зор тиришчанлиқ көрсәтмәктә. мутәхәссисләр хитайниң илгири бундақ тиришчанлиқ көрсәтмигәнликини илгири сүрмәктә. нурғун көмүр парахотлири қайтуруветилди, башқа көплигән өзгиришләрму болди, җүмлидин йеқинқи бирқанчә саәт ичидиму адәттин ташқири әһваллар көрүлди. шуңа ши җинпиңниң наһайти зор тиришчанлиқ көрситишигә чин дилимдин ишинимән, мувәппәқийәткә еришәләрму, еришәлмәсму, буниси маңа намәлум, әмма имканийәтниң баричә ғәйрәт қилидиғанлиқи маңа айан.»
