трамп сабиқ пирезидент обаманиң муһит сийаситини әмәлдин қалдурди
америка пирезиденти доналд трамп сабиқ пирезидент обамадин мирас қалған муһит сийаситини әмәлдин қалдуруш пәрманини имзалиди.
түркийә авази радийоси хәвири: пирезидент доналд трамп обаманиң муһит қоғдаш сийасәтлирини әмәлдин қалдурди. у, бу пәрман билән америка муһит қоғдаш агентлиқи (EPA) ға, пакизә енергийә ишләпчиқиришни өз ичигә алған обама дәвридә чиқирилған алтә муһит бәлгилимисини әмәлдин қалдуруп, қайтидин түзүш үчүн қануний мусапини башлаш буйруқини чүшүргән болди.
әмәлдин қалдурулған сийасәтләр сабиқ пирезидент обама килимат өзгиришигә қарши күрәш даирисидә йолға қойған әң муһим бәлгилимиләрдин бири иди.
пирезидент доналд трамп имза мурасимида қисқа сөз қилип, пәрманниң енергийә ишләпчиқириш вә ишқа орунлаштуруш үчүн башлинидиған йеңи дәвргә вәсилә болидиғанлиқини билдүрди.
америкиниң килимат өзгиришигә қарши күрәш үчүн ташлиған қәдәмләрни тәтүрисигә бураш мумкинчиликигә игә болған пирезидентлиқ пәрмани, көмүрчилик қатарлиқ нурғун санаәт саһәсиниң қизғин қарши елишиға еришти.
