рус инженерлар електромагинитлиқ қорал синиқи елип барди
рус инженерлар електромагинитлиқ тәпкә механизми сайисида һәр түрлүк бронини чақмақ тезликидә тешип өтәләйдиған йеңи бир қорални мувәппәқийәтлик һалда синақ қилди.
түркийә авази радийоси хәвири: пайтәхт москва әтрапидики шатура иниститутиниң йуқири бесимни тәшқиқ қилиш бөлүмидики инженерлар партлатқуч вә һәрикәтләндүргүчи миханизмларниң орниға електромагинитлиқ күчни тәпкә механизмиға айландурвалайдиған йеңи бир қорални мувәппәқийәтлик һалда синақ қилғанлиқлирини җакарлиди.
мутәхәссисләрниң қаришичә, мувәппәқийәтлик һалда синақ қилинған қоралдин чиққан оқ секунтиға 3 километирлиқ мусапиға йетип баралайдиған болуп, адәттә килассик қораллардин чиққан оқ секунтиға 330 – 800 метирлиқ мусапиға йетип баралайдикән.
електромагинитлиқ қоралниң йүксәк енергийәлик физикилиқ паалийәтләрдә йеңи бурулуш нуқтиси болидиғанлиқини әскәрткән иниститутниң мәсули алексей шурпов, «әмди секунтиға 4.5 километирлиқ мусапиға йетип баралайдиған қоралларни ишләпчиқиралишимиз мумкин» деди.
америкилиқлар болса охшаш техникидин пайдилинип, техиму чоң типтики қорал – йарағларниму шундақ сәвийәгә йәткүзүш үчүн тәтқиқат елип бармақта.
америка дөләт мудапийә министирлиқи деңизда бу йил 20 килогирамлиқ ракеталарни қойуп берәләйдиған електромагинитлиқ қорал синиқи елип берилидиғанлиқини җакарлиғаниди.
түркийә илмий вә пән – техника тәтқиқат оргини болса тунҗи миллий електромагинитлиқ ракета қойуп бериш системиси - йеңи әвлад қорал системиси (SAPAN) – ни буниңдин бирқанчә йил илгири иҗад қилған вә 2014 – йили синақ ишлирини мувәппәқийәтлик һалда тамамлиғаниди.
