йеңи зиландийә баш министири вәзиписидин естипа бәрди
8 йил вәзипә өтигән йеңи зиландийә баш министири кон кий вәзиписидин естипа бәргәнликини билдүрди.
түркийә авази радийоси хәвири: йеңи зиландийәдә 8 йил вәзипә өтигән баш министир кон кий вәзиписидин естипа бәргәнликини җакарлиди.
«мән берәләйдиған һәр нәрсини бәрдим»дегән йеңи зиландийә баш министири мухбирларни күтүвелиш йиғини өткүзүп вәзиписидин естипа бәргәнликини билдүрди.
баш министир кон кий вәзиписидин естипа беришигә аилә ишлириниң сәвәб болғанлиқини ейтти.
бу қарарини толиму қийин бәргәнликини ейтқан кий мундақ деди: «вәзипәмдин естипа беришниң вақти йетип кәлгәнликини, һазирниң наһайити мувапиқ икәнликини һес қилдим.»
кийниң партийәси 12-декабирда җиддий қурултай чақирип, йеңи рәһбәрлири билән баш министирини сайлап чиқиду.
баш министир җон кий сайламда муавини вә иқтисад ишлири министири бил ингилишни қоллайдиғанлиқини билдүрди.
