малтада айропилан чүшүп кәтти
малтада кичик типлиқ бир айропилан қозғилип узун өтмәйла чүшүп кәтти, қаза тоғрисида йавропа иттипақи байанат бәрди.
түркийә авази радийоси хәвири: малтада бир айропилан чүшүп кетип, 5 адәм һайатидин айрилди؛ айропиланниң чүшүп кетиши билән мунасивәтлик дәсләпки хәвәрләрдә, малтадин ливийәниң мисратә шәһиригә қарап йолға чиқип узун өтмәйла чүшүп кәткән 10 кишилик мәзкур айропиланда йавропа иттипақи фронтекс хизмәтчилириниң барлиқини, айропиланниң фронтекс хизмәтчилири үчүн лийуксембергдин иҗаригә елинғанлиқи билдүрүлгән. вәқәдә 5 кишиниң өлгәнлики, қалған кишиләрни издәш - қутқузуш хизмәтлириниң давамлишиватқанлиқи уқтурулғаниди.
бу хәвәрләр хәлқара хәвәр агентлиқлирида орун алғандин кейин йавропа иттипақи ташқи мунасивәтләр вә бихәтәрлик мәсилилири алий вәкили федерика могерини байанат берип, малтада чүшүп кәткән айропиланда һайатидин айрилғанларниң йавропа иттипақи әмәлдарлири әмәсликини уқтурди.
могерини тивиттер арқилиқ учур тарқитип, «малтада қазаға учриған айропиланда йавропа иттипақи әмәлдарлири йоқ иди. учушниң йавропа иттипақи паалийәтлири билән һечқандақ алақиси йоқтур» деди.
