инглизлар әнглийәниң йавропа иттипақидики келәчики үчүн беләт ташлайду

түркийә авази радийоси хәвири: реферандум һарписида хәлқаралиқ күчләрниң бир қисми әнглийәниң йавропа иттипақидин чиқип кәтмәслики, йәнә бир қисми чиқип кетиши үчүн чақириқта болди.

германийә баш министири ангела меркел әнглийә реферандумдин  кейин йавропа иттипақидин чиқип кәткән тәқдирдә, қандақ болидиғанлиқи тоғрулуқ инкас қайтурмиди.

фирансийә пирезиденти франсуа оланд бу һәқтә тохталғанда, мундақ деди: «әнглийәниң ортақ базарға кириши нуқтисидин елип ейтқанда, бу қарар буниңдин кейин җиддий хәвп тәшкил қилиду. һәммә буни тонуп йетиши керәк. әнглийә йавропа иттипақидин чиқип кәткәндин кейин қайта кириши мумкин әмәс.»

илгирики байанатлирида «әнглийә йавропа иттипақидин чиқип кәткән тәқдирдә, өз – өзигә зийан салған болиду» дегән йавропа иттипақи комитетиниң башлиқи җан килод йункер бу һәқтә тохталғанда, мундақ деди: «әнглийәлик сийасийонлар вә сайлиғучилар шуни билиши керәкки, йавропа иттипақидин чиқип кәткәндин кейин, әза болуш үчүн қайта сөһбәт елип бериш мумкин әмәс. баш вәзир дәйвид кемирин билән бирликтә келишимни имзалидуқ. биз бу һәқтә қолимиздин келидиған барлиқ тиришчанлиқларни көрсәттуқ.»

шималий атлантик әһди тәшкилати баш катипи столтенберг күчлүк бир йавропадики күчлүк бир әнглийәниң нато үчүн наһайити йахши болидиғанлиқини әскәртти.

хәлқара пул фонди тәшкилатиму бу һәқтә әнглийәни агаһландурған, әнглийә йавропа иттипақидин чиқип кәткән тәқдирдә, буниң истемалчиларниң ишәнчисидин айрилип қелиш вә сода ишлири зийанға учраштәк хәвпләрни туғдуридиғанлиқини әскәрткән, бу өзгиришниң әнглийәниң иқтисадий тәрәққийатиға вә пул - муамилә җәһәттики муқимлиқиға наһайити зор тәсир көрситидиғанлиқини билдүргәниди.